Hvar verða þessir tónleikar?
Þeir verða í frystiklefanum í Edinborg sem er stærsta timburgrindarhús á landinu og teiknað af fyrsta arkitekt Íslendinga, Rögnvaldi Ólafssyni í byrjun þarsíðustu aldar. Húsið er ljósgrænt bárujárnshús í miðbæ Ísafjarðar.

Hvenær?
Þeir verða haldnir 15. apríl og hefjast seinnipartinn. Þeir standa fram yfir miðnætti.

Hvernig kemst ég til Ísafjarðar?
Fljótlegasta og auðveldasta leiðin er að fljúga. Flugfélag Íslands flýgur tvisvar á dag til Ísafjarðar og oftar þegar þurfa þykir. Hægt er að bóka far á heimasíðu félagsins www.flugfelag.is

Það er líka hægt að keyra til Ísafjarðar. Á vetrum er öruggast að fara um Hrútafjörð, Strandir, Hólmavík, Steingrímsfjarðarheiði og Ísafjarðardjúp, ekki nema rúmlega 490 km. Á Íslandi geta veður breyst eins og hendi sé veifað og því eins gott að vera vel útbúinn með skóflu og á góðum dekkjum – aldrei að vita nema bresti á með páskahreti þetta árið.

Er hægt að kaupa gistingu á Ísafirði?
Á Ísafirði er að vinna Hótel og nokkur gistiheimili. Þau sem erum með heimasíðu eru:
www.hotelisafjordur.is
www.gistihus.is
Litla gistihúsið - reginasc@simnet.is
Kvennabrekka - www.snjor.is/gisting

Fyrir gesti á bílum mælum við einnig með mjög skemmtilegum gistimöguleikum í innan við 30 mín akstursfjarlægð frá Ísafirði.
www.bolungarvik.com
www.kirkjubol.is
www.firsthand.is

Er eitthvað fleira um að vera á Ísafirði?
Á Ísafirði er alltaf eitthvað um að vera. Um páskana er hin árlega skíðavíka haldin og á dagskrá hennar finna allir sér eitthvað við hæfi. Kynntu þér skíðavikuna á www.skidavikan.is

Allar nánari upplýsingar má fá á Upplýsingamiðstöð ferðamála á Ísafirði: info@vestfirdir.is og 456 5121.