Þeir eru hressir strákarnir í 9/11 enda allir blóðbornir Ísfirðingar. Þeir spila rokk af gamla skólanum og eru ekkert að finna upp hjólið enda til hvers að gera það þegar rokkið er allt sem þarf.

Ungir strákar sem eru að gera góða hluti. Besservisserar af bestu gerð sem kalla ekki allt ömmu sína.

Þessir drengir hafa undanfarið verið að trylla píurnar á böllum víða um land, enda miklir stuðboltar á ferð. Nú er stefnan sett á plötu og meira stuð.

Dóri er mikill brandarakarl og nærvera hans fer ekki fram hjá neinum. Talar hátt og hvellt og hefur gert mörgum pólitíkusnum lífið leitt í gegnum tíðina með hnyttnum athugasemdum. Fáir vita þó að Dóri er liðtækur söngvari og faír standast honum snún ing þegar hann syngur „Taking the blues away”.

Haddi Bæjó er bæjarstjórinn okkar og mikill húmoristi. Að sjálfsögðu var hann til í að taka þátt, setja upp heddfóninn og þeyta nokkrum skífum. Við skulum spyrja að leikslokum...

Hér er skrýtinn fýr á ferð. Dularfullur rafpoppari sem lítið fór fyrir þegar hann gekk menntaveginn á Ísafirði. Það verður gaman að heyra hvaða tóna hann dregur upp úr hatti sínum þann 10. apríl.

Þennan mann þarf vart að kynna. Bolvíkingur og Ísfirðingur sem fékk bakteríuna við karókísöng með pabba krabba í Malasíu. Nú er drengurinn orðinn stór og búinn að gefa út eina plötu og önnur á leiðinni. Nánar á www.mugison.com.

Flateyringurinn Siggi Björns er trúbador af lífi og sál og hefur lifað flökkulífi og sinnt sjómennsku þess á milli í mörg ár. Hér er hann mættur með fleiri snillinga sem sýna að ýmislegt er hægt að kalla hljóðfæri. Áhugaverð músík og mikið sjónarpil á ferð.

Skúli er hinn endinn á litrófinu m.v. Jóa 701. Hér fær einfaldleikinn að njóta sín. Gítar, rödd og textar sem koma öllum við.

Trillukarl frá Suðureyri sem leiddist út á framabrautina með Sigurrós og hefur þanið raddböndin um víða veröld. Steindór alveg ekta Vestfirðingur. Sviðsljósið hefur ekki stigið honum til höfuðs og sjómennskan er honum í blóð borinn.

Félagarnir slógu í gegn á tónleikum í vetur með hnyttnum textum og góðum lagasmíðum. Þórhallur er Þingeyringur Olavi er sem er altmuligman og tónlistarkennari á Þingeyri. Ef þið rekist á síðhærðan víking með hárband og alþaktan leðri, eru góðar líkur á að þar sé Olavi á ferð.